NEVADAH

Nevadah 2014an sortutako Durangaldeko talde bat da. Rock and roll, garage eta bluesaren artean mugitzen dira. Taldea Ekhi Arrietak (ahotsa), Liher Arteagak (gitarra), Jon Agirrebeitiak (gitarra), Anartz Ugartek (baxua) eta Pello Bañosek (bateria) osatzen dute.

2016an lehen maketa kaleratu ondoren, 2018an “We’re Coming to You” izeneko lehen diskoa grabatu zuten, 8 abestiz osatua. Urte horietan zehar Euskal Herriko zirkuitua (Helldorado, Bilborock, Bilboko Kafe Antzokia, Plateruena Kafe Antzokia) eta Frantziako zati bat zeharkatu dute.

Pandemiaren ondorioz, eta 2021ean Ekhi taldera batu ondoren, 3 urte eman dituzte itzalpean, kantuak konposatzeari utzi gabe.

2022an “Still Goes On” azken diskoa grabatu zuten; Lorentzo Records estudioan grabatutako albuma, 8 abesti indartsu batzen dituena. 2023tik biran dabiltza estatu osoan zehar.