BBK MUSIC LEGENDS FESTIVAL 2021

CENTRO OLA BBK · EKAINAK · SONDIKA BILBAO

BBK MUSIC LEGENDS FESTIVAL jaialdiaren antolatzaileok zera jakinarazten dizuegu: gobernuak eta osasun-agintariek COVID-19aren krisia gainditzeko ezarritako neurri berriengatik; artista batzuek bertan behera utzi dituztelako Europako birak eta, horrek zuzenean eragiten diolako jada hurbil samar dagoen gure jaialdiari; gure publikoari zor diogun begiruneagatik, behar hainbateko aurrerapenez informatuta egon eta zeuen buruak ondo antola ditzazuen; eta pairatzen dugun egoeraren aurrean errealistak eta solidarioak izateko, … ezinbestean atzeratu beharrean gaude jaialdiaren 5. edizio hau, ekainaren 5 eta 6rako Ola BBK Zentroan aurreikusia zegoena; 2021eko ekainera atzeratu dugu, eta informatuta izango zaituztegu.

Hainbeste hilabetetako lanaren, ahaleginaren eta ilusioaren ostean erabaki gogorra eta gaitza izan da, baina orain garrantzitsuena gure osasuna eta besteona ─gogor beharrean eta honetan larrua arriskatzen ari zareten gremio, gizatalde, gizarte-laguntzaile eta osasun-langile guztiona─ babestea da, amesgaizto honetatik lehenbailehen ateratzeko.

Leher eginda zaudete, goizetik gaueraino lanean, ia denbora barik zeuontzat, zuen familientzat eta gehien maite dituzuenentzat; horregatik, ezarritako konfinamendua errespetatuko dugu behar den denbora guztian, etxetik irten barik, zuen ahaleginak konpentsatuta ikus ditzazuen eta egoera honetatik guztion artean irteten laguntzeko, normaltasunera, gure kaleetara, familiaz, adiskideez eta zoriontsu egiten gaituen guztiaz gozatzera itzul gaitezen. Eta gero, baina gero bakarrik, berriro entzungo da zuzeneko musika, berriro hasiko dira jaialdiak, eta gure musika eta artistekin gozatuko dugu, inoiz egin ez bagenu legez.

Zaindu zaitezte, izan adore eta mila esker zuen laguntza baldintza bakoagatik. 2021eko ekainean ikusiko dugu elkar, laster arte, eutsi goiari !

 

SARRERAK ITZULTZEA

Apirilaren 7an jakitera eman zen legez, BBK Music Legends Festival-en antolatzaileek, Covid 19ak eragindako egoeraren ondorioz, 2021eko ekainera atzeratu behar izan zuten datorren ekainaren 4 eta 5erako aurreikusita zegoen jaialdia.

BBK Music Legends Festival jaialdiaren antolatzaileek  jakinarazi dutenez, apirilaren 8an, 9an eta 10ean itzuli ziren saldutako sarrera guztien zenbatekoak, haien kudeaketa-gastuak barne. Beraz, ez dago inolako diru-itzulketarik egiteko.

Behin gure publikoarekiko betebeharrak beteta, 2021eko ediziorako data eta artista berriak lehenbailehen iragartzea espero dugu.

Animo eta eskerrak berriro zuen laguntza eta ulerkuntzagatik.

Datorren urtean zain izango gaituzue.

 

 

de

Gure cookieak eta hirugarrengoenak erabiltzen ditugu gure zerbitzuak analizatzeko eta zure nahiekin lotura duen publizitatea erakusteko, zure nabigazio-ohituren arabera (bisitatutako orriak, esaterako) egindako soslaian oinarrituta. Informazio gehiago lortu eta zure preferentziak konfiguratu nahi badituzu, HEMEN egin dezakezu.
Cookieak Onartu Cookieak Baztertu