SEX MUSEUM

2025ean, Malasaña/Madrilgo talde mitikoak 40 urte beteko ditu oholtza gainean, beren hastapenetako 1985. urte urrun hartatik.

Rock-talde modura ekin zioten bideari, Madrilgo “movida”-ren mod giroan. Haien soinuak, hainbat estilotatik igaro ondoren –lehenbiziko diskoetako musikaren beltzaren eragina, psikodelia, garajeko rocka…–, 70eko hamarkadara garamatzan rock indartsu bateraino eboluzionatu du.

Taldea deseginda egon zen hiru urteko (1997-2000) etenaldiaren ondoren, milurteko berrian itzuli ziren, indar geldiezinez.  Gaur egun, 13 disko luze eta dozenaka EP, single eta bilduma-lan argitaratuta dituzten honetan, underground musika independentearen erakusgarri bihurtu dira, lau hamarkadako ibilbidearen ostean.

Aurten, 2025ean, “40 aniversario” birari ekingo diote, disko berriaren aurrerapenak eginez eta oholtzan energia handia askatuz, beren betidaniko hit-ak dituen zuzenekoan, Hammond soinuaren protagonismoarekin eta Europako garage musikaren eta psikodeliaren Fuzza aldarrikatuz.

Martak teklatuarekin, Pardo anaiek –Miguel kantaria eta Fernando gitarrista–, Lozak bateriarekin eta Javi Vacasek baxuarekin, txiki-txiki eginda utziko dute oholtza, beren soinu gordinaz eta rockaren bizitasun guztiaz.